भजन यू करणा निर्भय होय नचीत

सगरामा इण संसार में माला मोटी बात, 
धन्य जका नर फेरे, फेरे दिन और रात।
 फेरे दिन और रात कमाई करे वे भारी, 
या स्वर्ग में जावसी या फिर जन्म तैयारी।
ऊंचे ठिकाणे जन्म सी घणा जोड़ेला हाथ,
सगरामा संसार में माला मोटी वात ॥


 भजन यूं करणा रे भायो निरभय होय नचीत ॥टेर॥


आसन पद्म में ध्यान लगावो तन मन इन्द्रियां जीत। 

सिकल्प विकल्प मेट फुरणा  तुर्या सोही अतीत॥

भजन यूं करणा रे भाईड़ो निर्भय होय नचीत ॥टेर॥



रवि-शशी का देख सरौदा, सुखमण कर प्रतीत।

अरद उरद बीच तार लगाने सूरत करो संगीत॥ 

भजन यूं करणा भाईड़ो निर्भय य होय नचीत ॥टेर॥



अगम भोम का ऐड़ा मोर्चा बांध लिया तन बीच।

भजन तोब शिखर गढ़ छुटी भागी भ्रम री भीत॥ 

भजन यूं करणा रे भाईड़ो निर्भय होय नचीत ॥टेर॥



सोलन शिखर में पागी चढ़िया वहां नहीं होवे शीत। 

शशि भाण सतगुरु की शोभा बिन नेणा प्र-तीत॥ 

भजन यूं करणा रे भायो निर्भय होय नचीत ॥टेर॥



बिन कर नटवो ढोल बजावे, बिन साज  संगीत। 

बिना पावं के नटणी नाचे, बिन मुख गावे गीत॥ 

भजन यूं करणा भायो निर्भय होय नचीत ॥टेर॥



अदभुत खेल खिलाड़ी खेले, यह बेगम की रीत।

बाबुलाल सतगुरु की कृपा, बाजी लीनी जीत॥

भजन यूं करणा भायो निर्भय होय नचीत ॥टेर॥


Comments

Post a Comment

Popular posts from this blog

वायक आया गुरुदेव रा रूपा जमले पधारों/ लिरिक्स भजन

वायक आया वो गुरुदेव रा रे, रूपा बाई जमले पधारो रे । केम करे ने गुरु आवु रे, सुता रावल माल जागे रे, वायक आया वो गुरुदेव रा॥टेर॥ ______________________________ निंद्रा मंगावो सारा शहर री, ढोलिये सांपा ने पोढ़ावो रे, वायक आया गुरुदेव रा..॥टेर॥ इतरो करे ने रूपा हालिया रे,  आया रखियो रे दरबारे रे, वायक आया गुरुदेव रा..॥टेर॥  ______________________________ सब रे संता ने रामा राम री, मारा गुरु ने घणी खम्मा रे, वायक आया गुरुदेव रा..॥टेर॥  वीणा रे तंदुरा नौपत वाजिया, सेजे भजन सुणोरा रे! वायक आया गुरुदेव रा रूपा..॥टेर॥ हाथ जोड़ेने रूपा बोलिया रे, गुरु मारी मोजड़िया हेरोणी, वायक आया गुरुदेव रा..॥टेर॥ बतिया बुजाणी सारा शहर री रे, सुता रावल माल जागे रे, वायक आया गुरुदेव रा.॥टेर॥  ______________________________ सांकड़ी सेरी में सामे आविया, राणी कवेला हिद गिया था रे, वायक आया गुरुदेव रा..॥टेर॥ हाथ जोडे़ने रूपा बोलिया रे, मैं फूल लेवण ने गिया था रे, वायक आया गुरुदेव रा..॥टेर॥  ______________________________ भरिया थाल गुरू रे मेहर सू रे,  रावल माल पछताया रे! वायक आया गुर...
Read more

साधु भाई सतगुरु साक भरेलो

 दोहा: हंसा सरवर ना छोड़िये जो जल खारा होय, सीलर सीलर भटकता  भला नी केवे कोय। हंसा ज्यों सरवर जपे वन में जपे मोर,  थो मन में ऐसे जपो जैसे छंद चिकोर। ★★ हड़दम ताल लगी गढ़ भीतर,  नाभि से निगे करेलों,  उल्टा बाण गिगन जाय लागा,  झिल मिल जोग जगेलो! साधु- भाई सतगुरु साक भरेलो। _______________________________ सिमरिया वे सन्त पार पोचिया,  विन सिमरिया डूबेलो! साधु-  भाई सतगुरु साक भरेलो। _______________________________ उपजिया अंणद गिगन जाय गर- जिया अणहद नाद घुरेलो, पीवत प्रेम विछड़ जाई काया,  जीव पीव मिल रेलो! साधु-  भाई सतगुरु पार करेलो । _______________________________ सिमरिया वे सन्त पार पोचिया,  विन सिमरिया डूबेलो! साधु-  भाई सतगुरु साक भरेलो। _______________________________ त्रिवेणी जाय हंस विराजे,  हीरो रो सर्वण चुगे लो, मिट गई तास प्रेम सुख उपजे, जुग जुग राज करेलो! साधु-  भाई सतगुरु पार करेलो। _______________________________ सिमरिया वे सन्त पार पोचिया,  विन सिमरिया डूबेलो! साधु-  भाई सतगुरु साक भरेलो। ...
Read more

सिमरू देवी शारदा गुणपत(धारू मेघ)भजन

                                 सिमरू देवी शारदा गुणपत लागू पाय रे ।          सुंडाला ने सिमरिया भूला आखर बताय रे ॥   धूप है महाराज थोने,धूप है गुरू देव ने,          आरती अवतार ने,वंखला हङमान ने !          माई रे हींगलाज ने,          खेवू गुंगर धूप हरि ने हे हा ।        आंगणिये रल आवणो मन्दिरये परियाण हे।          मंदरिया में ज्योत जागे,संतो रे मुख नूर हे॥        कौन देवी रो गागरो कौन देवी रो सिर हे।         कौन देवी रो कंछवो कौन ज्यारा वीर हे॥        धरण देवी रो गागरो असमान देवी रो सीर हे।         तारा मंडल कन्छवो     चांद सूरज वीर हे॥       एक डोरी राम री दूजी हरि रे नाम री ।         तीजी डोरी संतो री ले चढ़ो निरवाण हे॥...
Read more