वायक आया गुरुदेव रा रूपा जमले पधारों/ लिरिक्स भजन

वायक आया वो गुरुदेव रा रे,

रूपा बाई जमले पधारो रे ।

केम करे ने गुरु आवु रे,

सुता रावल माल जागे रे,

वायक आया वो गुरुदेव रा॥टेर॥

______________________________

निंद्रा मंगावो सारा शहर री,

ढोलिये सांपा ने पोढ़ावो रे,

वायक आया गुरुदेव रा..॥टेर॥

इतरो करे ने रूपा हालिया रे, 

आया रखियो रे दरबारे रे,

वायक आया गुरुदेव रा..॥टेर॥ 

______________________________

सब रे संता ने रामा राम री,

मारा गुरु ने घणी खम्मा रे,

वायक आया गुरुदेव रा..॥टेर॥ 

वीणा रे तंदुरा नौपत वाजिया,

सेजे भजन सुणोरा रे! वायक

आया गुरुदेव रा रूपा..॥टेर॥

हाथ जोड़ेने रूपा बोलिया रे,

गुरु मारी मोजड़िया हेरोणी,

वायक आया गुरुदेव रा..॥टेर॥

बतिया बुजाणी सारा शहर री रे,

सुता रावल माल जागे रे,

वायक आया गुरुदेव रा.॥टेर॥ 

______________________________

सांकड़ी सेरी में सामे आविया,

राणी कवेला हिद गिया था रे,

वायक आया गुरुदेव रा..॥टेर॥

हाथ जोडे़ने रूपा बोलिया रे,

मैं फूल लेवण ने गिया था रे,

वायक आया गुरुदेव रा..॥टेर॥ 

______________________________

भरिया थाल गुरू रे मेहर सू रे, 

रावल माल पछताया रे! वायक

आया गुरु देव रा रे रूपा.॥टेर॥

,

केवे रावल रूपा सांभलो रे,

राणी फूल कटा सू लाया रे,

वायक आया गुरुदेव रा..॥टेर॥ 

______________________________

पहेली बाड़ी डर डुँगरे रे,

 दूजी बैकुण्ठा माई रे..

तीजी वाडी आपे सेर में रे,

चौथी स्वर्गा माई रे,

वायक आया गुरुदेव.॥टेर॥

______________________________

केवे रावल रूपा सांभलो रे,

राणी ओ पंथड़लो बतावो रे,

वायक आया गुरुदेव रा.॥टेर॥

______________________________

पेलो मारो मोबी दिकरो रे,

दूजो हंसा वालो घोड़ो रे,

तीजो मारो गौ रो बाछड़ो रे, 

चौथी चंद्रावल राणी रे,

वायक आया गुरुदेव रा.॥टेर॥

______________________________

इतरो करेने परा आवजो,

थाने पंथड़लो बतावा रे,

वायक आया गुरुदेव रा.॥टेर॥ 

______________________________

नवलनाथ जग में भेटिया रे,

 कोने कुंडल घटोणा रे, 

माल पलट हुआ नाथ जी, 

वटे रावल मुलकोणा रे,

 लायक आया गुरूदेव.॥टेर॥

______________________________

हाथ जोड़ ने रूपा बोलिया रे,

संतो रो अमरपुर में वासो रे,

वायक आया गुरुदेव रा रे,

रूपा जमले पधारो रे ॥टेर॥

______________________________