रामजी रे नाम रा खरा खजोना

 राम जी रे नाम रा खरा खजोना 

राम जी रे नाम रा हाचा हरोदा 

आयो अवसरियो भाई भूलो मती रे,

गुरू रा वचन सदा ही फल मीठा 

खारी खारी वस्तु लाइजो मती रे 

सतड़े री कुछी धर्म वालो तालो

नुगरो रे हाथ भायो दीजो मती रे

गेरा गेरा फूल रोहिड़ो रे केजे 

वे फूलड़ा घर लाजो मती रे

गेरी गेरी नदियो बेवे रे सवाई 

पर नदियों में भायो नाजो मती

फल नी फले दिखे रे फूटरो

गुण नहीं जिण पांव रति रे

असुर मारेश धणी भक्त उबारे

आद देवा ने थे भूलजो मती रे

रामजी री आशा में हैं विशवासा

पोणी माथे पत्थर तीरे रे 

दोय कर जोड़ अखोजी खीवण बोले

खाली खाली ढोलका कुटो मती रे