भक्ति सुरा री
भक्ति सुरा री,
सुरा लड़े रण खेत में,
कायर भागा जाय! भक्ति सुरा री।
कोनी कायर वालो काम भक्ति सुरा री॥
भक्ति कमाई ए सती श्रिया दे,
चेलों भगत प्रहलाद भक्ति सुरा री,
बलता मु बछिया तार! भक्ति सुरा री।
कोनी कायर वालो काम भक्ति सुरा री॥
भक्ति कमाई ए सती अनुसूया,
ऋषि अतरंग लार! भक्ति सुरा री,
आंगण कुटी बणाय भक्ति सुरा री।
कोनी कायर वालो काम भक्ति सुरा री॥
भक्ति कमाई ए पोचे पांडवे,
ज्योरे घर दुर्वासा आय! भक्ति सुरा री,
बलियो ओम उगाय भक्ति सुरा री,
कोनी कायर वालो काम भक्ति सुरा री॥
भक्ति कमाई ए रानी द्रौपदा,
पांचों पांडव घर नार! भक्ति सुरा री,
सतड़ा री पाल बंधाय भक्ति सुरा री,
कोनी कायर वालो काम भक्ति सुरा री॥
भक्ति कमाई ए मीरा मेड़तनी,
ज्योरे लारे भोजोराज! भक्ति सुरा री,
गुण गोविंद रा गाय भक्ति सुरा री,
कोनी कायर वालो काम भक्ति सुरा री॥
भक्ति कमाई ए रानी रूपादे,
ज्योरे सागे रावलमाल! भक्ति सुरा री,
सैजे सुरगा जाय! भक्ति सुरा री,
कोनी कायर वालो काम भक्ति सुरा री॥
भक्ति कमाई ए रानी तौलादे,
ज्योरे सागे जैसल राज! भक्ति सुरा री,
गुरु उगम जी लार! भक्ति सुरा री,
कोनी कायर वालो काम भक्ति सुरा री॥
करणो वे सो करले भाई मारा,
कह रयो दास गुमान ! भक्ति सुरा री,
ऐ ही घोड़ा ने मैदान! भक्ति सुरा री,
कोनी कायर वालो काम भक्ति सुरा री॥
Comments
Post a Comment