सुता रे वादलिये रे महल खिंची
सुता रे वादलिये रे मेल खींची,
सुता रे वादलिये रे महल,
ढोलिये सुतो ने सपनो आवियो।
______________________________________
उठते परी भोंगी रे इश,
उठते परी भोंगी रे इश,
आलस मरोड़े भोंगिया उपला।
राठौड़ रानी पूछे रे वात थोने,
राठौड़ रानी पूछे रे वात,
एक मारी खोमद सोम्भलो।
______________________________________
क्यो नोकियो मुछे रे ताव नाना,
नोकियो मुछो रे माथे ताव,
आलसियों कणो रे माते मोडियो।
रातुणे सपने री रे वात राणी,
मारे रातुणे सपने वाली रात,
सगा रे सालो जी आया पावणा।
______________________________________
जोणे गियो गाजलिये रे गांव राणी,
जोणे गियो परो गाजलिये रे गांव,
रोणी सगा रे सालो जी पांवणा।
मारियो राठौड़ी रे राज राणी,
मारियो राठौड़ी रे राज,
पाबु ने मारेने गायो राल दी।
__________________________________
ढोलियो फेरे ने रे ढाल खोमद,
ढोलियो फेरेने परो ढाल थोरे,
पायो रे आयो खाली खुट में।
गाजणिया रो मुंडो रे बाल खोमदो,
गाजणिया रो मुंडो अलगो बाल,
गाजनिये गियोड़ा पासा नी वले।
_________________________________
हमे मारे रे भायो री रे रीस नाना,
मारे भायो री हैं अवली रीस,
खोंगा रे बोंदे ओटाला पोतियां।
गाजनियो गीतों रे गांव खोमद,
गाजणियो गीतो रो रे गांव,
आगवाणी कहीजे सोरो सोन्दियो।
____________________________________________________________________
पेला रे दिनडों री रे वात ,
पहला रे दिनड़ा री रे वात,
वेला वरती रा दिनडा भूल्या।
जेरणो जमो रे जाल खोमद,
जेर णो जमो रो रे जाल,
देवल रा माठा उन्दा मारिया।
___________________________________
गालिया ओडी में भार खोमद,
गालिया ओढि में रे भार,
ओड़की उगराई मारा पिरिये।
सिमरू सुन्धे री रे राय देवी,
सिमरू सुंधा गढ री माय,
भारत मे सिमरू भवोनी कालका।
___________________________________
बेले आवे बावन रे वीर जग,
में बेले आवो बावन रे वीर,
एक रे आवे खेले रो खेतलो।
भले भले सायो रे भोण जग,
में भले भले सायो रे भाण,
धरनी छाई रे निले सेवरे।
______________________________________
Comments
Post a Comment