थे मारे घर आवो नन्दलाला माखण मिश्री खावा ने



दोहा:

प्रभाते  उठ प्राणी  जपले  हरि  रा  जाप।
भूखा ने भोजन मिले गढ़ पतियों ने राज॥
प्रभाते  वहां जाविए  जहां बसे  ब्रजराज।
गऊं रस भेटन हरि मिले एक पंथ दो काज॥
★★★




थे मारे घर आवो नन्दलाला 

माखण  मिश्री  खावा  ने

___________________________

ऊंची मेड़ी लाल किवाड़ी 

फूलड़ो री सेज बिछावा ने

मारी गलियां रंग री रलिया 

और  गली  नहीं  जाना ने

थे मारे घर आवो नन्दलाला 

माखण   मिश्री   खावा  ने 

___________________________

साथिड़ा ने संग मत लाइजो 

नहीं है  माखन  खिलावा ने 

एक अंथणी कोरी राखु 

थाने  भोग  लगावा  ने

थे मारे घर आवो नन्दलाला 

माखण  मिश्री  खावा  ने 

___________________________

मैं जावा जल जमुना पाणी 

थे आइजो धेनु चरावण ने

तन मन री वातो रे करोला 

मती  केजो  थोरी मावड़ ने

थे मारे घर आवो नन्दलाला 

माखण  मिश्री  खावा  ने

___________________________


जल जमुना री इरा तीरा 

आइजो थे वटे नावण ने

चंद्रचखी भज बाल कृष्णछवि 

गोविंद  रा  गुण  गावण ने

थे मारे घर आवो नन्दलाला

 माखण मिश्री खावा ने।

★★★★★

Comments

Post a Comment

Popular posts from this blog

वायक आया गुरुदेव रा रूपा जमले पधारों/ लिरिक्स भजन

वायक आया वो गुरुदेव रा रे, रूपा बाई जमले पधारो रे । केम करे ने गुरु आवु रे, सुता रावल माल जागे रे, वायक आया वो गुरुदेव रा॥टेर॥ ______________________________ निंद्रा मंगावो सारा शहर री, ढोलिये सांपा ने पोढ़ावो रे, वायक आया गुरुदेव रा..॥टेर॥ इतरो करे ने रूपा हालिया रे,  आया रखियो रे दरबारे रे, वायक आया गुरुदेव रा..॥टेर॥  ______________________________ सब रे संता ने रामा राम री, मारा गुरु ने घणी खम्मा रे, वायक आया गुरुदेव रा..॥टेर॥  वीणा रे तंदुरा नौपत वाजिया, सेजे भजन सुणोरा रे! वायक आया गुरुदेव रा रूपा..॥टेर॥ हाथ जोड़ेने रूपा बोलिया रे, गुरु मारी मोजड़िया हेरोणी, वायक आया गुरुदेव रा..॥टेर॥ बतिया बुजाणी सारा शहर री रे, सुता रावल माल जागे रे, वायक आया गुरुदेव रा.॥टेर॥  ______________________________ सांकड़ी सेरी में सामे आविया, राणी कवेला हिद गिया था रे, वायक आया गुरुदेव रा..॥टेर॥ हाथ जोडे़ने रूपा बोलिया रे, मैं फूल लेवण ने गिया था रे, वायक आया गुरुदेव रा..॥टेर॥  ______________________________ भरिया थाल गुरू रे मेहर सू रे,  रावल माल पछताया रे! वायक आया गुर...
Read more

साधु भाई सतगुरु साक भरेलो

 दोहा: हंसा सरवर ना छोड़िये जो जल खारा होय, सीलर सीलर भटकता  भला नी केवे कोय। हंसा ज्यों सरवर जपे वन में जपे मोर,  थो मन में ऐसे जपो जैसे छंद चिकोर। ★★ हड़दम ताल लगी गढ़ भीतर,  नाभि से निगे करेलों,  उल्टा बाण गिगन जाय लागा,  झिल मिल जोग जगेलो! साधु- भाई सतगुरु साक भरेलो। _______________________________ सिमरिया वे सन्त पार पोचिया,  विन सिमरिया डूबेलो! साधु-  भाई सतगुरु साक भरेलो। _______________________________ उपजिया अंणद गिगन जाय गर- जिया अणहद नाद घुरेलो, पीवत प्रेम विछड़ जाई काया,  जीव पीव मिल रेलो! साधु-  भाई सतगुरु पार करेलो । _______________________________ सिमरिया वे सन्त पार पोचिया,  विन सिमरिया डूबेलो! साधु-  भाई सतगुरु साक भरेलो। _______________________________ त्रिवेणी जाय हंस विराजे,  हीरो रो सर्वण चुगे लो, मिट गई तास प्रेम सुख उपजे, जुग जुग राज करेलो! साधु-  भाई सतगुरु पार करेलो। _______________________________ सिमरिया वे सन्त पार पोचिया,  विन सिमरिया डूबेलो! साधु-  भाई सतगुरु साक भरेलो। ...
Read more

भक्ति सुरा री

 भक्ति सुरा री, सुरा लड़े रण खेत में,  कायर भागा जाय! भक्ति सुरा री। कोनी कायर वालो काम भक्ति सुरा री॥ भक्ति कमाई ए सती श्रिया दे, चेलों भगत प्रहलाद भक्ति सुरा री, बलता मु बछिया तार! भक्ति सुरा री। कोनी कायर वालो काम भक्ति सुरा री॥ भक्ति कमाई ए सती अनुसूया, ऋषि अतरंग लार! भक्ति सुरा री, आंगण कुटी बणाय भक्ति सुरा री। कोनी कायर वालो काम भक्ति सुरा री॥ भक्ति कमाई ए पोचे पांडवे, ज्योरे घर दुर्वासा आय! भक्ति सुरा री, बलियो ओम उगाय भक्ति सुरा री, कोनी कायर वालो काम भक्ति सुरा री॥ भक्ति कमाई ए रानी द्रौपदा, पांचों पांडव घर नार! भक्ति सुरा री, सतड़ा री पाल बंधाय भक्ति सुरा री, कोनी कायर वालो काम भक्ति सुरा री॥ भक्ति कमाई ए मीरा मेड़तनी, ज्योरे लारे भोजोराज! भक्ति सुरा री, गुण गोविंद रा गाय भक्ति सुरा री, कोनी कायर वालो काम भक्ति सुरा री॥ भक्ति कमाई ए रानी रूपादे, ज्योरे सागे रावलमाल! भक्ति सुरा री, सैजे सुरगा जाय! भक्ति सुरा री, कोनी कायर वालो काम भक्ति सुरा री॥ भक्ति कमाई ए रानी तौलादे, ज्योरे सागे जैसल राज! भक्ति सुरा री, गुरु उगम जी लार! भक्ति सुरा री, कोनी कायर वालो काम भक्ति सुरा...
Read more