सीता जी ने मिलवा मंडोवर आई
सीता जी ने मिलवा मंडोवर राणी आई।
मंडोवर राणी आई रे,
राजा री राणी आई,
सीता जी ने मिलवा मंडोवर राणी आई।
___________________________________
सीया मिलन मंडोवर आई,
संग में सहेलियां लाई,
तारा वाली ओढ़ चुनरी,
रमझम करती वागो रे माई आई,
सीता जी ने मिलवा मंडोवर राणी आई।
___________________________________
किया राजा री पुत्री कहिजो,
किया घरो परणाई,
कावण थारो नाम कहिजे,
मारे पिया रे लारे किण विध आई,
सीता जी ने मिलवा मंडोवर राणी आई।
___________________________________
राजा जनक री पुत्री कहिजु,
दशरथ घर परणाई,
सीता मारो नाम कहिजे,
थने रंडापो मु देवण आई,
सीता जी ने मिलवा मंडोवर राणी आई।
___________________________________
इतरी बात सुणी मंडोवर,
सीधा महल में आई,
तुलसीदास भजो भगवाना,
पासी पोछावो पिया नार पराई,
सीता जी ने मिलवा मंडोवर राणी आई।
Comments
Post a Comment