शरणे आयो री देवी लजा राखजो/माताजी भजन
शरणे आयो री देवी लज्जिया राखजो ।
राखो छतर वाली छाया मारी जरणी जोगमाया..हे.. हां..
सोना रूपा री इट पड़ाऊ
मां देवलियो बणाऊंला ।
देवी रमतो-२ आऊंला,
चरणा में शिष निवाऊंला ।
मारी जरणी जोगमाया..हे..हा..
गोरी गाया रो गोबर मंगाऊ मां
आंगणियो निपवाऊला
देवी रमतो रमतो आऊंला
चरणा में शिष नवाऊंला
मारी जरणी जोगमाया..हे.. हां
कंकु केसर री घार गलाऊ
मां देवलियो निपवाऊंला ।
देवी रमतो-२ आऊंला,
शरणा में शिष निवाऊंला ।
म्हारी जरणी जोगमाया..हे..हा..
गौरी गाय रो घिरत मंगाऊ मां
दिवला री ज्योत जगाऊंला ।
देवी रमतो रमतो आऊंला,
चरणों में शिष निवाऊंला ।
म्हारी जरणी जोगमाया..हे..हां..
मोती मुंगिया आखा मंगाऊ
सोवन कलश पुराऊं मां ।
देवी रमतो-२ आऊंला,
चरणा में शिष निवाऊंला ।
म्हारी जरणी जोगमाया..हे..हां..
दोय कर जोड़ राजा मानसिंह बोले
देवी रमतो-२ आऊंला ।
चरणा में शिष निवाऊंला,
मारी जरणी जोगमाया..हे..हां..
Comments
Post a Comment