झालर शंख नगारा बाजे जी/हनुमान भजन
झालर शंख नगारा बाजे जी,
सालासर रा मंदिर में हनुमान विराजे जी ।
हनुमान विराजे जी सदा बजरंग विराजे जी ॥टेर॥
झालर शंख नगारा बाजे जी,
सालासर रा मंदिर में हनुमान विराजे जी ।
भारत राजस्थान में जी सालासर एक गांव,
सुरज सामे बणियो देवरों बालाजी रो धाम ।
ज्यारे लाल धज्जा फहरावे जी,
सालासर रा मंदिर में हनुमान विराजे जी ।
नारेला री गिणती कोनी स्वर्ण छत्र अपार ।
दूर दूर सु आवे जातरा आवे नर और नार ॥
बालाजी अटक्या कारज सारे जी,
सालासर रा मंदिर में हनुमान विराजे जी ।
चेत सुदि पूनम को मेलो भीड़ लगे अति भारी,
नर नारी सब दर्शन करवा आवे वारी वारी ।
बालाजी जात जडोला चाढे़ जी,
सालासर रा मंदिर में हनुमान विराजे जी ।
रामभक्त अंजनी के लाल का धरो हमेशा ध्यान,
चैनसिंह चरणा रो चाकर दो भक्ति वरदान ।
बालाजी बेड़ा पार लगावे जी,
सालासर रा मंदिर में हनुमान विराजे जी ।
हनुमान विराजे जी सदा बजरंग विराजे जी ॥टेर॥
झालर शंख नगारा बाजे जी,
सालासर रा मंदिर में हनुमान विराजे जी ।
Comments
Post a Comment